• Дома
More

    7 работи кои не смее да ги ставите во машина за перење

    Иако е мошне примамлива идејата, само да ја „фрлите“ сета нечиста облека и да ја вклучите машината, па да им се вратите на секојдневните активности, постојат одредени правила до кои сепак мора да се придржувате. Се разбира – доколку сакате да ја одржите својата гардероба и покуќнина неоштетена и негувана во текот на целата година.

    Ова е списокот на работи кои никако не би смееле да ги ставите во машина за перење, како и алтернативните методи за нивно чистење:

    1. Перници од пена

    Вртењето на барабанот може да предизвика слабеење на мемориската пена во анатомските перници, или, пак, истата дури и да се распарчи на делчиња.

    Бидејќи самата мемориска пена е природно хипоалергенска, како и отпорна на апсорпција на прав, таквите перничиња остануваат чисти многу подолго од традиционалните.

    Се препорачува да се чистат еднаш или двапати годишно, со едноставно отстранување на дамките од нечистите делови на перницата.

    7-raboti-koi-ne-smee-da-gi-stavite-vo-mashina-za-perenje-2.jpg

    Ако пишува на етикетата дека перницата може да се пере рачно, втората опција е да ја исчистите во голем мијалник или када, со вода и хипоалергенски детергент, без мирис и боја.

    По влажнењето и плакнењето, потребно е само нежно да се притисне, како би се отстранил вишокот на вода, па да се суши на ветровито или добро вентилирано место.

    7-raboti-koi-ne-smee-da-gi-stavite-vo-mashina-za-perenje-3.jpg

    2. Сѐ што е налепено со животински влакна

    Сопствениците на крзнени миленичиња, веројатно се добро запознаени со „хаосот“ што истите го оставаат на облеката и мебелот. Отстранувањето на влакната е тешко.

    Меѓутоа, ова не значи дека треба да го ставите омилениот пар фармерки со „грива “ во машината, бидејќи само ќе ја влошите ситуацијата. Мокрите насобрани влакна може да се налепат на другата облека, странично на барабанот, па дури и да ги затнат цевките во машината за перење.

    7-raboti-koi-ne-smee-da-gi-stavite-vo-mashina-za-perenje-4.jpg

    За да го избегнете ваквото сценарио, неопходно е да ги отстраните сите влакна пред перењето.

    Користете леплива ролна, или, пак, навлечете гумена ракавица. Наквасете ја малку и поминете преку „влакнестата“ облека. Доколку сè уште има влакна, обидете се да ја продувате и истресете добро, па да ја исперете, согласно инструкциите на етикетата.

    7-raboti-koi-ne-smee-da-gi-stavite-vo-mashina-za-perenje-15.jpg

    3. Градници

    Рафалното фрлање на градниците во машината за перење, навидум се чини како најлесниот начин да го исчистите парчето што секојдневно го носите. Меѓутоа, таквата постапка може да ви ја уништи слатката долна облека.

    Од цврста потпора за градите, ќе ги претворите во тажни потпунки кои ниту нешто може да кренат, а ни да обликуваат. А, да не збориме и за жиците кои ќе почнат да ѕиркаат, поради пукањето на ткаенината што ги држи.

    7-raboti-koi-ne-smee-da-gi-stavite-vo-mashina-za-perenje-5.jpg

    Златно правило за градниците е рачното перење. Користете студена вода и средно јак течен детергент за чувствителни алишта. Oткако ќе ги измиете, полека исцедете ги.

    Доколку баш немате време, обидете се да ги исперете и во машина, ама бидете особено претпазливи околу температурата и центрифугата, заштитувајќи ги од удари или растргнувања во барабанот.

    7-raboti-koi-ne-smee-da-gi-stavite-vo-mashina-za-perenje-6.jpg

    4. Ткаенини со запалива дамка

    Држете ги сите парчиња кои се извалкани со запаливи материи (гориво, моторно или масло за готвење, згуснувач на бои, алкохол), што подалеку од машината за перење, а особено од таа за сушење на облека.

    Високите температури може да предизвикаат палење на облеката, што пак, може да резултира и со експлозија.

    7-raboti-koi-ne-smee-da-gi-stavite-vo-mashina-za-perenje-7.jpg

    Првин отстранете ги дамките со средство за нивно разложување, така што ќе го оставите да дејствува минимум 10 минути. Доколку го снема специфичниот мирис од дамката, тоа значи дека безбедно е облеката да се пере во машина.

    Сепак, сторете го тоа одвоено, како би го спречиле пренесувањето на дамката на останатите алишта. Најдобро е подоцна и да ја исушите природно, а не во машина за сушење.

    7-raboti-koi-ne-smee-da-gi-stavite-vo-mashina-za-perenje-8.jpg

    5. Везена или чипкана гардероба

    Ни чувствителните парчиња со перли или везови не би смееле да ги перете во машина, затоа што движењето на барабанот може да ја уништи нивната структура. Ова особено важи за оние со додатоци што се залепени, а не сошиени на облеката.

    7-raboti-koi-ne-smee-da-gi-stavite-vo-mashina-za-perenje-9.jpg

    Во такви случаи, единствената опција во домашни услови е рачно перење на облеката. Доколку на етикетата пишува дека е „само за хемиско чистење“, тогаш предадете ја во професионални раце, замолувајќи ги да ги прекријат додатоците со фолија, или, пак, некакво платно, како би ги сочувале.

    7-raboti-koi-ne-smee-da-gi-stavite-vo-mashina-za-perenje-10.jpg

    6. Гломазни предмети

    Доколку нема доволно место околу одреден предмет (јоргани, ќебиња, перници од гарнитурата, итн.) во барабанот, тој не смее да се пере во машина, од причина што ниту ќе може да се врти, а ни детергентот ќе може непречено да циркулира. Со самото тоа – нема да се испере.

    7-raboti-koi-ne-smee-da-gi-stavite-vo-mashina-za-perenje-11.jpg

    Па, наместо со сите сили да го туркате (пре)големиот предмет во барабанот, а тој упорно да ви „бега“ кон надвор, поштедете се себеси од трудот. Најдобро е да го однесете во перална.

    7-raboti-koi-ne-smee-da-gi-stavite-vo-mashina-za-perenje-12.jpg

    7. Облека од кашмир или кадифе

    Овие исклучително нежни и чувствителни материјали никако не се создадени за перење во машина, бидејќи може да ги развлече, собере или изобличи со само едно миење.

    И тука единствената опција е да ги исперете на раце, особено ако постои опасност од пуштање боја на останатите парчиња облека.

    7-raboti-koi-ne-smee-da-gi-stavite-vo-mashina-za-perenje-13.jpg

    Наквасете ги во топла вода во мијалникот, па додадете детергент за чувствителна облека. Подоцна, префрлете ги во студена вода и исплакнете ги. По перењето, нежно исцедете ги, оставајќи да се сушат на пешкир поставен на рамна површина.

    7-raboti-koi-ne-smee-da-gi-stavite-vo-mashina-za-perenje-14.jpg

    Recent Articles

    Судскиот совет го разреши Јово Вангеловски

    Судскиот совет на денешната седница го разреши претседателот на Врховниот суд Јово Вангеловски од функцијата. Одлуката за разрешување од позицијата во највисокиот суд и судија...

    Ова се новите цени на горивата

    Регулаторна ги објави новите цени на горивата – цената на 95-октанскиот бензин се намалува за половина денар, додека цената на дизелот се зголемува за...

    Заев: Легитимно е да се бара, но сега има поважни работи од избори

    Премерот Зоран Заев очекува на вечерашната лидерска средба со претседателот на ВМРО-ДПМНЕ Христијан Мицкоски да биде покажана одговорност и да се направи обид за...

    Обвинителството бара 12 години затвор за поранешниот албански прв полицаец

    Обвинителството за тешки кривични дела побара 12 години затвор за поранешниот министер за внатрешни работи Саимир Тахири. Поради согласнот на судот за скратена судска постапка...

    Ce*c исповед на студентка од Белград

    “Се доселив во таа зграда на 19 години, кога започнав да студирам. Не помина многу, запознав неколку комшии и нешто се случи во тоалетот,...

    Related Stories

    Stay on op - Ge the daily news in your inbox