Ѓуроски е играч на колото во втората француска лига

0
94


Париз, 29 октомври 2019 (МИА) – Македонскиот кошаркар Стојан Ѓуроски, благодарение на играта која ја прикажа во дресот на Евро против Поатие, беше прогласен за најкорисен играч во третото коло во Про Б-лигата во Франција.

Ѓуроски во победата на неговиот тим од 102:69, придонесе со 26 поени, 13 скока и две асистенции, што му донесе највисок индекс на корисност од сите играчи кои настапија изминатиот викенд во француската второлигашка конкуренција.

Крилото од Гостивар погоди шест тројки од осум обиди, и му ја донесе првата победа на Евро сезонава. По трите настапи во новата средина за него, 28-годишниот Ѓуроски има просек од 11 поени и 6,3 скока. 





Source link

LEAVE A REPLY

Please enter your comment!
Please enter your name here