Успешно евакуирана македонска државјанка од Вухан

0
96


Скопје, 2 февруари 2020 (МИА) – Министерството за надворешни работи информира дека македонска државјанка, врз основа на доброволна согласност, а со посредство на амбасадите на нашата држава во Пекинг и Париз, успешно е евакуирана од кинескиот град Вухан. Нејзината здравствена состојба е добра, не постојат симптоми на корона вирусот, соопшти МНР.

Постапката на евакуацијата била спроведена преку приклучување кон Програмата за евакуација на Франција, која за оваа намена организираше специјален лет кој што денеска слета во воена база на југот во Франција.

– Пред да го продолжат патот до своите матични држави, патниците ќе бидат евакуирани во помал град на југот на Франција, каде ќе подлежат на задолжителен карантин во трaење од 14 дена, што е воспоставен протокол за евакуација на сите патници од Вухан, стои во соопштението.

Министерството за надворешни работи е во постојана комуникација со евакуираната преку надлежните амбасади во Пекинг и Париз, како и преку властите на соодветните држави.





Source link

LEAVE A REPLY

Please enter your comment!
Please enter your name here