Најголемото злосторство го спроведе мојата земја, вели претседателот на Германија

0
97


Претседателот на Германија Франк-Валтер Штајнмајер изјави денеска дека неговата земја мора да остане посветена на борбата против антисемитизмот во секој облик, притоа изразувајќи „најдлабоко жалење“ поради Холокаустот.

– Масовното убиство на шест милиони Евреи, најголемото злосторство на човештвото, го спроведе мојата земја. Ужасната војна, која чинеше над 50 милиони еврејски животи, почна во мојата земја. Седумдесет и пет години по ослободувањето на Аушвиц јас стојам овде како претседател на Германија, полн со вина, рече Штајнмајер.

Тој додаде дека би сакал да може да каже дека Германците „научиле од историјата еднаш засекогаш“, но тоа не може да се каже кога омразата се шири, кога антисемитизмот е скриен во критикувањето на политиката на Израел.

– Тоа е исто зло и постои само еден одговор: никогаш повеќе. Затоа не може да биде крај на сеќавањето, истакна шефот на германската држава на Светскиот форум за Холокаустот, одржан денеска во Ерусалим.

На почетокот на говорот, Штајнмајер присутните ги поздрави на хебрејски со зборовите: „Фала му на Господ што сме овде денеска“. Потоа продолжи на англиски наместо на германски јазик и оцени: Германците се обидоа да ги дехуманизираат (Евреите)…. не успеаја.





Source link

LEAVE A REPLY

Please enter your comment!
Please enter your name here