Макрон: Мојата цел е да ги избркам сите оние кои не треба да бидат во Франција

0
103


Париз, 31 октомври 2019 (МИА) – Претседателот на Франција, Емануел Макрон во интервју за конзервативниот неделник „Валерс Актуел“ објавено денеска, ја објаснува неговата миграциска политика.

По дебатата за имиграцијата организирана во Парламентот на почетокот на месецот, во долгото интервју на дванаесет страници за неделникот, Макрон ги наведува мерките што планира да ги преземе за справување со мигрантите.

– Мојата цел е да ги избркам сите оние кои не треба да бидат тука, изјави Макрон на почетокот од интервјуто.

Тој додаде дека сака да ја засили политиката на протерување, но не прецизира колку луѓе ќе бидат протерани од Франција. Предупреди од опасноста земјите од каде потекнуваат мигрантите да одбијат да издадат конзуларна виза, која е потребна за враќање на протераните.

Макрон во интервјуто најави дека брзо сака да го реши прашањето за државната медицинска помош. Тоа се однесува за лицата кои во Франција доаѓаат со туристичка виза, остануваат три месеци и користат државна медицинска помош.

Но, шефот на француската држава сака да ја промени универзалната здравствена заштита, на која има право секој барател на азил. Макрон предлага да има „период на чекање“ пред лицата да можат да добијат медицинска заштита.

Макрон посочи и дека сака да стави крај на злоупотребите на азилот.

Предложените мерки од Макрон треба да бидат официјализирани од премиерот Едуард Филип. 





Source link

LEAVE A REPLY

Please enter your comment!
Please enter your name here