Косовските Срби сами ќе формираат Заедница на српски општини доколку Приштина не го направи тоа за три недели

0
200
loading...

На седница на претставници на Србите од Косово беше одлучено дека доколку Приштина не биде спремна во следните три недели да почне да работи на формирањето на Заедницата на српски општини (ЗСО), српските општини и институции сами ќе почнат да ја формираат ЗСО, нејзините тела и институции.

Политичките претставници на Србите истакнаа и дека бараат наредбодавците и извршителите на теророт врз граѓаните, претставниците на српскиот народ и претставниците на медиумите, на 26 март оваа година во Северна Митровица најитно да се процесираат и казнат, а министерот и директорот на полицијата да поднесат оставки поради нелегалниот напад на косовските специјалци.

Тие побараа и меѓународните претставници на тие простори, пред сѐ КФОР и ЕУЛЕКС, да бидат повнимателни и да дејствуваат превентивно во случај на напади врз српскиот народ и неговите претставници во следниот период, бидејќи тоа е обврска од нивниот мандат.

loading...

Тие додадоа дека за секое нарушување на мирот и загрозување на животите на сограѓаните ќе ги сметаат одговорни меѓународните институции.

loading...