Италија од 3 јуни ги отвора границите

0
56


Рим, 16 мај 2020 (МИА) –  Италијанската Влада донесе декрет со кој од 3 јуни се овозможува граѓаните да патуваат и да доаѓаат од странство. Со декретот, исто така, од истиот датум се овозможува слободното движење низ Италија, пренесуваат британските медиуми.

Рестриктивните карантински мерки низ целата земја беа воведени на почетокот на март, откако Италија стана првата земја надвор од Азија која имаше пандемија на коронавирусот.

Италија има најголем број смртни случаи, по САД и Велика Британија, со 31.000 жртви на коронавирусот.

Владата на премиерот Џузепе Конте се залага за постепено отворање на земјата, по намалувањето на бројот на заразени и умрени од ефектите на коронавирусот.

Во економските сектори што почнаа со работа, како фабриките и претпријатијата, постојат мерки за социјално растојание, училиштата се затворени, а на голем број луѓе сè уште не им е дозволено да се собираат, иако од утре ќе им биде дозволено да присуствуваат на миси во црквите, со почитување на одредени рестриктивни мерки, потсетуваат американските медиуми.





Source link

LEAVE A REPLY

Please enter your comment!
Please enter your name here