Засладете им го денот на своите блиски со овој неверојатен десерт: Торта “Снегулка”

0
108


Тортата „Снегулка“ е едноставна за приготвување, лесна, пенеста и мека. Поради својот извонреден вкус може да ја подготвите за секаква пригода.

Потребни состојки за кора:

  • 5 белки
  • 5 лажици шеќер
  • 5 лажици брашно
  • 1/2 кесичка прашок за печиво

Потребни состојки за филот:

  • 500 мл млеко
  • 5 жолчки
  • 100 г шеќер
  • 1 лажица ванилин шеќер
  • 50 г чоколадо за готвење
  • 200 г бисквити
  • 300 мл слатка павлака
  • 1 кесичка инстант желатин

Потребни состојки за декорирање на торта:

  • 200 мл слатка павлака или шлаг

Начин на подготовка:

  1. Изматете ги белките со шеќерот, додајте го брашното и прашокот за печиво. Истурете ја смесата во тава обложена со хартија за печење и печете на 200 ᵒC околу 30 минути.
  2. Загрејте 100 мл млеко заедно со ванилиниот шеќер. Испечената кора избоцкајте ја со чепкалка за заби и прелијте ја со зовриеното млеко. Оставете да се излади.
  3. Загрејте 400 мл млеко. Разматете ги жолчките со шеќерот, а потоа истурете ја смесата во топлото млеко. Вратете го тенџерето на рингла и варете ја смесата постојано мешајќи. Штом почне да врие тргнете го тенџерето од оган. Измешајте го желатинот во топлата смеса.
  4. Посебно, изматете 300 мл слатка павлака и спојте ја со млакиот крем. Оставете ја смесата да се излади.
  5. Нарендајте го чоколадото и бисквитите и додајте ги во филот, кој е целосно изладен, потоа добро промешајте ја смесата.
  6. Ставете ја кората во тава со обрач и одозгора нанесете го кремот. Ставете ја тортата во фрижидер за добро да се излади. Потоа изматете слатка павлака или шлаг и премачкајте ја целата торта.

Декорирајте по желба и послужете!


Можеби сакате да го дознаете и рецептот за француските колачи: „Paris Brest“ со крем од кафе.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?





Source link

LEAVE A REPLY

Please enter your comment!
Please enter your name here