Туристички автобус од Полска денеска излета од автопат во Германија и се преврти, при што повредени се најмалку 13 лица.
Инцидентот се случил во раните утрински часови на Автопатот 1 во близина на градот Хамбург.
Автобусот, во кој имало вкупно 48 луѓе, во 5 часот и 35 минути утрово излетал од неговата лента, утрил во безбедносната ограда и потоа се превртил покрај патот.
Околу 150 спасувачи и полицајци се на терен. Повредени се најмалку 13 лица, од кои седум потешко.
Полицијата засега не може да потврди од која националност се повредените.
Исто така, уште не е позната причината за несреќата.
Засега нема информации дали имало македонски државјани во автобусот што сообраќал на меѓународна линија.
